Біздің буындарымызды нені жақсы көреді және нені ұнатпайды

Өмір – бұл қозғалыс, ал толыққанды қозғалу қабілеті тікелей буындардың денсаулығына байланысты. Буындардың денсаулығын ұзақ уақыт сақтау үшін оларды жас кезінен қорғау керек. Өйткені статистика буын ауруларының  50% - дан астамы мүгедектікпен аяқталатынын айтады. 

Буындар нені «ұнатпайды»?

1. Суық. Маусымаралық ылғалдылық пен төмен температура созылмалы түрге өту қаупі бар буындардың қабынуына әкелуі мүмкін;
2. Жеткіліксіз немесе шамадан тыс қозғалғыштық. Отырықшы өмір салты, және, керісінше, гипердинамия, спорттың соққы түрлері буындарды бұзады, олардың ауруларын тудырады;
3. Жарақаттар. Тіпті кішігірім жарақаттар – көгерулер және созылулар,  буындар функцияларының бұзылуына әкелуі мүмкін. Шығулар мен  сынудың қандай жағымсыз салдары болуы мүмкін екендігі туралы айту керек пе;  
4. Дұрыс тамақтанбау. Фастфуд, қақталған тағамдар, майлы тамақ, тұздалған өнімдер буындардың жауы болып табылады;
5. Зиянды әдеттер. Никотин кішкентай тамырлардың түйілуін тудыра отырып,  тіндердің, соның ішінде буындардың қоректенуін нашарлататыны дәлелденген. Темекі шегу остеопороз қаупін арттыра отырып, буындарды ғана емес, сүйектерді де бұзады. Алкогольге де дәл сол қатысты: ішімдікті жиі ішетін адамдарда буындар ішімдік ішпейтін  адамдарға қарағанда әлдеқайда ертерек тозады. Тіпті дені сау адамдар алкогольді ішкеннен кейін буындардағы ауырсынуға шағымдануы мүмкін. 
6. Артық салмақ. Өйткені, қаңқа - бүкіл ағзаның тірегі - адамның бойына байланысты 75-80 кг аралығында болатын белгілі бір дене салмағына есептелген. Артық салмақ тірек-қимыл аппараты үшін ауыр жүктеме болып табылады, оның тез тозуына және бұзылуына әкеледі.  

Буындар «жақсы көреді:

1. Дұрыс тамақтану. Қаңқаның барлық элементтері, соның ішінде буындар көп дәрумендер мен микроэлементтерді қажет етеді, сондықтан диетаға жаңа піскен көкөністер мен жемістерді, ашытылған сүт өнімдерін, дәнді дақылдарды, өсімдік майларын қосып, көп сұйықтық ішу керек. Жемістер мен жидектерді қысқа консервілемеген  дұрыс, мұздату немесе кептіру керек - бұл түрінде олар бізге қажет дәрумендер мен минералдардың көп мөлшерін сақтайды. Сондай-ақ, консервіленген көкөністерден ашытылған көкөністердің пайдасына бас тарту ұсынылады, пісіру кезінде қоректік заттарды сақтау үшін жылулық  өңдеу уақытын азайтыңыз.
2. Серуендер және «дұрыс» спорт түрлері. Буындар қозғалыс кезінде қоректік заттарды алады, сондықтан көбірек серуендеу, "пайдалы" спорт түрлерімен – негізі дененің икемділігі мен созылуын арттыру болып табылатын йогамен, стретчингпен, пилатеспен айналысу керек;   
3. Жылу. Маусым бойынша киініп, салқын тиюден аулақ болу керек, өйткені ауа-райы, әсіресе көктем мен күзде, жиі алдамшы болып келеді;
4. Дұрыс жағдай. Буындардың денсаулығын сақтау үшін бүкіл денеге тірек болып табылатын аяқтарды сенімді қолдайтын ыңғайлы аяқ киім кию өте маңызды. Қыздарға арналған ұсыныс - биік өкшелерді асыра пайбаланбау, өйткені биік өкшелер мен ыңғайсыз аяқ киім сүйектер мен буындардың дұрыс емес пішінін қалыптастыруға әкелуі мүмкін. Өкшенің биіктігі  2-4 см - бұл ұсынылатын «дені сау» диапазон, оны ұстану керек;
5. Уақытылы емдеу. Алғашқы белгілер кезінде: сықырлау, дискомфортта, қозғалғыштық төмендеген кезде,  буын маңында қызару пайда болғанда тексеруден өту және емді бастау қажет.

Буындардағы аурудан қалай арылуыға болады:

Буын ауруларымен ауыратын көптеген адамдар өзін-өзі емдеуге бейім келеді. Көбінесе өздігінен таңдалған препараттар СЕҚҚҚ (стероидты емес қабынуға қарсы құралдар) болады. Әрине, бұл препараттар айқын қабынуға қарсы әсерді иеленеді және ауырсыну белгілерінен тез арылуға мүмкіндік береді. Алайда, медальдің екінші жағы да бар: барлық СЕҚҚҚ бірқатар елеулі қарсы көрсетілімдері мен жанама әсерлері бар, сондықтан оларды қолдану дәрігердің тағайындауымен және бақылауымен ғана рұқсат етіледі.  

СЕҚҚҚ-дың қауіпсіз баламасы ретінде препараттағы синтетикалық компоненттердің үлесін және оларға тән жағымсыз әсерлерді азайтуға мүмкіндік беретін табиғи шыққан компоненттер негізінде жасалған сыртқы ауырсынуды басатын препараттарды қолдануға болады. Бұл жерде айта кету керек, мұндай препарат дәрілік препарат ретінде тіркелуі тиіс, бұл жағдайда осы препараттың тиімділігі зерттеулерде дәлелденгенін айтуға болады. 

Буын аурулары - адамзатты көптеген ғасырлар бойы мазалаған мәселе. Буын ауруларының алдын алуға, сондай-ақ орын алған проблемалардан құтылуға дәрігерге уақтылы қаралу, салауатты өмір салты, сондай-ақ қауіпсіздік пен тиімділік бойынша теңдестірілген заманауи препараттар көмектеседі.